「又到聖誕，又到聖誕！」小圓邊唱歌，邊準備節日園藝擺設工作。
「夏天就話驚中暑畀蟲咬！呢排天氣咁爽，冇有怕！仲有成個會所未做，等我嗱嗱聲搬好盆栽同工具先！」
為節省時間，小圓把手剪等手工具放在盆栽上，打算一次過搬到會所。不料，小圓彎腰搬運時，腰部突然「格」一聲，頓失平衡，盆栽上的剪刀應聲掉落腳上，割傷小圓的右腳。小圓受傷在地上痛苦呻吟，黃經理聞聲前往查看，並將小圓送院治理。
「發生咩事呀？」黃經理在救護車上問小圓。
「我搬嘢嗰陣條腰格一聲，之後就跌低整親囉！」
「嘩！你咁做好危險架！盆栽連埋啲泥成幾十公斤重，根本超出個人提舉能力。你做體力處理操作的姿勢唔正確，容易造成勞損同受傷！仲有呀，啲利器隨便擺喺其他物件上面，會跌落來整親人！」
「我一時貪快，諗住盡快完成布置工作。」小圓解釋說。
黃經理道︰「園藝工作的體力處理操作涉及重複性動作，加上負荷物重又大，公司已經做咗進一步評估。最理想情況下，男士只係建議提舉最多二十五公斤，女同事要減三分一添！如果太重，要用輔助設備或搵多啲同事幫手。當然，無論如何，正確姿勢係必須嘅。另一方面，利器唔好隨處擺放，要放喺架內，如果見到同事嘅不良工作習慣要多加提醒。」
「原來園藝咁多嘢要注意，我以後會留意啦……」小圓說。
職業安全健康局
www.oshc.org.hk