政情：唔熟書照問 一舊雲失魂
監警會尋日舉行二○一六年最後一次嘅公開會議，一共有九位委員喺年底就會任期屆滿，當中包括民主黨（白鴿黨）黃碧雲（一舊雲）。開會出名問題多多嘅一舊雲，尋日臨別秋波都火力十足，連珠炮發咁向警方代表發問，完全無手軟，但唔知係咪唔熟書嘅關係，開會時畀主席郭琳廣叫佢「可以返去睇吓年報」。
當會議討論到旺角暴亂嘅議題時，一舊雲就急不及待主動提問，要求警方同監警會提供涉及「毆打」投訴數字，同埋分析調查數據結果。點知郭琳廣好快就回應話監警會年報有晒有關數字，就連分析都寫埋，希望一舊雲節省大家開會時間，自己睇番年報咁話，「如果再有提問，可以書面答覆你，（年報）全部有晒o架，如果有睇年報就會知。」