公民講場：政績「有目共睹」吳得掂點會有着落

政府仲有半年左右換屆，人稱「吳得掂」嘅教育局局長吳克儉上任多年以嚟劣迹斑斑，早前教育界立法會議員葉建源先至喺立法會提出咗一項針對吳得掂嘅動議，辯論下任教育局局長人選嘅條件，擺明要換走吳得掂。吳得掂尋日出席活動時，被問到有冇收到特首選舉參選人邀請佢加入新班子，吳得掂就話，喺五年服務期已進入最後階段，依家會集中注意力，按優次落實現屆政府承諾嘅工作，唔會分心諗其他事。吳得掂嘅表現係點，大家都有目共睹，佢有冇人吼都係好大疑問，佢都係執埋啲手尾，唔好留啲蘇州屎畀下屆政府好過喇！