盛傳有意參選特首嘅曾俊華（鬍鬚曾）周一已經向特首梁振英，提出辭去財政司司長一職，港府即日將申請呈交中央政府，但至昨晚仍然未獲得批准。等候消息嘅鬍鬚曾，自周二起休假已急不及待周圍去，繼前日現身前特首董建華及政商界名人聚居嘅中半山嘉慧園，尋日又去工展會做騷，下午又到政府總部，未知所為何事，莫非再補遞多次辭職信？唔知鬍鬚曾等候中央批准辭職係咪感覺度日如年呢？
