終於上畫喇！星戰迷等到頸長嘅星球大戰最新一集《俠盜一號》有得睇喇！除咗係首套外傳，更搵嚟「宇宙最強」演出，咁套戲好唔好睇？睇過咪知囉！但細佬肯定巴打唔只期待呢套大作，皆因最令人興奮應該係收埋自己睇嘅四仔，可惜今次《星戰》，四仔界居然冇惡搞，唔係怕唔收得，實情係惡搞星戰要大量人力物力兼財力，雖然未有新嘢，但睇住舊性球大戰止吓咳先！
嗱！《星球大戰》有接近40年歷史，單係電影都拍過7集，又所以，唔係死硬粉絲絕對跟唔切，相反四仔就唔同，真正稱得上「電影版」嘅得2012年由VIVID拍攝嘅《STAR WARS XXX: A PORN PARODY》，報稱耗資1,100萬美元製作，花咗一年時間籌備及選角，用咗三個月拍攝兼後期製作，成為全球第一套惡搞星戰四仔，亦係最經典一套！
呢部四仔橫掃各大四仔頒獎禮，共捧走15個大獎，最巴閉梗係男優兼導演同時係超級星戰迷嘅Axel Braun，挾住咁多獎項，佢往後開拍一大堆惡搞超級英雄四仔，賺到盆滿缽滿，氣燄囂張就梗（口架）啦，結果喺舊年《星戰》有新戲上之際，Axel喺籌旗網集資50萬美元拍攝《THE EMPIRE STRIKES BACK XXX: AN AXEL BRAUN PARODY》，點知最後只籌得11萬美元，四仔拍唔成，顏面何存呀大哥！不過四仔迷可以放心，Axel嘅好「性」心咁強，遲早都會揼片廠老闆心口，巴打等睇好戲啦！
經典惡搞星戰捧紅咗大導Axel外，其實最開心肯定係喺四仔中扮演莉亞公主嘅脫星Allie Haze喇！網民讚佢仲索過大電影嗰位真公主，並憑「公主」一角紅足6年，舊年星戰電影上畫，阿妹人氣再度上升，收入豬籠入水，連Axel都講明，若然《THE EMPIRE STRIKES BACK XXX: AN AXEL BRAUN PARODY》成功開拍，Allie Haze一定係女主角喎！
最經典都睇埋，咁呢幾年咪冇嘢值得睇？又唔係噃，舊年12月四仔廠Digital Playground都湊吓熱鬧，斬件式惡搞星戰電影，再掟上網供會員下載！片名叫《STAR WARS FORCE RISING 》，片長只得26分鐘，搵嚟紅爆紋身脫星Kleio Valentien化到全身「紅噹噹」惡砌兩個男優，坦白講，外形絕不討好，連粉絲都話認佢唔出，但阿妹喺戲中堅揪得，床上床下都有武打場面，值得支持呀！咁都仲未夠，今年5月，DP食過翻尋味，再拍多套《STAR WARS FORCE AWAKENS: A XXX PARODY》，今次決定惡搞莉亞公主，搵嚟索妹Stella Cox上場，觀感唔同晒！
惡搞又點少得Brazzers嗰份呢？之但係《星戰》製作太揼本又難拍，難怪Brazzers咁多年都唔敢投資，不過喺今年6月，亦開拍《STAR WHORES: PRINCESS LAY（XXX Parody）》，只係得30分鐘網上版，正就正在有脫星Abby Cross飾演Princess Lay，同男優Danny D由沙漠砌到上太空船，仲加插小量愉虐性愛，喂，咁重口味，點可以唔捧場先？
撰文：祖