政情：公民講場：急症室加價 「仁」望「高」處

醫管局大會尋日通過公共醫療服務收費檢討報告，建議將急症室收費由現時每次一百蚊加到二百二十蚊，普通科門診加至大約六十蚊，其他收費項目，包括非合資格人士嘅收費亦建議上調，會交畀食物及衞生局局長批准。主席梁智仁話急症室收費自○三年一直無調整，希望加費可收窄公立同私家急症收費差距，改變市民求診行為，而行政總裁梁栢賢就話希望調整收費可以減少濫用，更有效運用醫護人手。十三年冇調整收費，講到加價有理咁，但依家好多政府收費都係用呢個藉口嚟調高，市民百上加斤，梁智仁就等緊局長高永文開綠燈，究竟高永文有冇諗過市民好難捱呢？