中環出更：示威停不了 轟漢奸黎顛覆國家
聲討壹傳媒黎智英（漢奸黎）嘅行動喺禁制令頒下後仍然持續，再有一批示威者尋日下午到漢奸黎位於何文田嘅寓所附近，拉起橫額抗議及高叫口號，怒轟漢奸黎係顛覆國家嘅禍首。
保安員用禁制令做擋箭牌
二十一名聲稱自發嘅人士尋日下晝約四時抵達漢奸黎寓所附近嘅行人路上示威，佢哋拉起印有「黎智英係顛覆國家嘅禍首」、「媒界（介）耻（恥）辱，禍港害民」、「誤導市民 敗損香港名聲」等橫額示威，期間又坐喺地上鼓掌，大叫口號，保安員上前出示禁制令文件。示威行動喺下晝四時三十分結束，示威者和平散去。
近期針對漢奸黎嘅示威行動不絕，自六月十日起計，至今已踏入一百八十九日，連同尋日嘅行動在內，到漢奸黎寓所外及將軍澳壹傳媒大樓外示威嘅行動最少達一百一十六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零三次。
卓妮