佔領行動搞手戴耀庭「走數」兩年仍未負法律責任，更喺今屆立法會選舉發起「雷動計劃」，公開呼籲市民策略性投票，點知畀外界指摘干預選舉，仲搞到多名泛民老將落選，事後計劃被各方鬧爆，但係戴耀庭一於死撐唔認錯。最近連政府都出手，建議立法會討論係咪應該禁止喺選舉投票結束前，公布選舉結果或預測，明顯係針對「雷動計劃」，然而泛民並冇幫拖，有建制派政團更表明初步贊成。面對被各方圍剿，戴耀庭仍然唔肯認衰，仲反駁話相關建議侵犯言論自由。去到咁嘅地步，死撐都冇用喇！
