政情：有相為證：李鋈麟兄弟 賀卡扮聖誕老人
東華三院副主席李鋈麟同身兼博愛醫院副主席嘅弟弟李鋈發，每逢過時過節都會寄精心設計賀卡畀城中好友，而卡上扮相古怪嘅主角就係佢兩兄弟。聖誕佳節臨近，又係消費旺季，今次兩兄弟梗係扮聖誕老人，佢哋戴晒聖誕帽同黐埋白鬍鬚，大家分唔分得出邊個打邊個呢？
開估！左邊嘅係李鋈麟，右邊嘅係李鋈發。點分？喺眼鏡框着手喇！
除咗例牌嘅祝賀語句之外，佢哋仲話「在商言商，聖誕節對商家如斯重要，恨不得日日聖誕，天天新年」喎！如果日日都係聖誕及新年，相信小朋友同上班一族都開心到飛起，因為唔使返工、返學囉！