立法會內務委員會尋日討論係咪喺下周三嘅大會提出休會辯論，以便討論政府就四名立法會議員提出司法覆核嘅影響。勞工界議員何啟明就表明反對，認為冇充分理由佔用寶貴嘅會議時間去討論，仲話議員喺立法會內發言受廣大市民監察同關注，所以唔能夠好似牛頭角順嫂、茶餐廳阿叔咁，當休會辯論為「吹水會」。點知呢番說話觸動到泛民議員神經，指摘言論非常冒犯，涉及地區歧視、階級歧視等等。其實順嫂同阿叔嘅形象只係好街坊啫，唔通泛民被何啟明講中死穴，所以咁大反應？
