政情：大學教授 王于漸 宋恩榮 串錯university
大學教授都犯低級錯誤，竟然串錯字，真係醜死怪啦！港大經濟學講座教授王于漸同中大經濟學系教授宋恩榮，與另外兩名教授合組「香港重建」名單，競逐選舉委員會高等教育界別，但有人發現二人嘅候選人簡介上，串錯大學嘅英文university做univeristy。
王于漸同宋恩榮喺候選人簡介上嘅「職業」一欄中，雙雙串錯字，至於同一張名單嘅科大經濟學系教授雷鼎鳴同中大經濟學系講座教授廖柏偉，喺「職業」一欄中就僅提及自己係Professor及Research Professor，避過university，避過串錯字嘅危機。
要選高教界，當然要有一定嘅學術水準，如果連呢啲簡單嘅英文單字亦串錯，證明相當唔小心，正所謂見微知著，未知今次事件會唔會影響選民對佢哋嘅信心呢？