交通諮詢委員會前年向政府建議十二項措施，減低車輛數目高速增長及紓緩交通擠塞嘅情況，但政府似乎闊佬懶理。交諮會主席郭琳廣尋日出席電台節目時就向政府追數，要求政府盡快推出「辣招」控制車輛數目，仲話如果政府唔行動，十年後本港車輛總數目就會達到一百萬，到時塞車情況繼續惡化，就會窒礙本港經濟發展！講到咁嚴重，似乎運輸及房屋局局長張炳良都唔可以再「歎慢板」，要加快行動先得喇！
