中環出更：19人快閃示威 鬧漢奸黎罪延下代
聲討壹傳媒黎智英（漢奸黎）嘅行動未有因禁制令而停止，尋日下晝為數十九名聲稱自發嘅人士到漢奸黎嘅寓所後門外快閃示威，直斥漢奸黎及壹傳媒損害香港名聲。
抵後門嗌口號
尋日下午約五點，十九名聲稱自發的人士抵達漢奸黎位於何文田嘅寓所近後門位置，佢哋大叫：「黑媒禍港、罪延下代、傳媒界恥辱、大損香港名聲」等口號，逗留約十五分鐘之後離去。期間警員曾到現場，並向部分示威者了解示威嘅原因。
近期針對漢奸黎嘅示威行動不絕，自六月十日起計，至今已踏入一百七十八日，連同尋日嘅行動在內，到漢奸黎及將軍澳壹傳媒大樓外示威嘅行動最少達一百零六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有九十三次。
卓妮