歌手蘇永康說為人父母見到子女行差踏錯應及早指正，絕不可縱容。佢話：我唔想囝囝將來似梁頌恆、游蕙禎。我要佢識得分莊、閒；你可以反叛，但絕不能做一啲背祖忘宗、分裂國家嘅事。如果佢做出呢啲事，我會親手懲戒佢。
這段話在面書上引來不少叫好的回響。所謂識得分莊、閒，亦即老朽強調的，做人要分清「魚和水」的關係；要言之，魚不可離開水，否則死路一條；而水沒有魚，依舊冇損其水的地位。如今泛民一些政治小學雞，中央伸出橄欖枝擬向民主派發回鄉證，泛民成員又扭扭擰擰，一聽見「中史獨立成科」就聯想到「洗腦」嘅小學雞羅冠聰就話喇：兩年前佔領行動期間曾與學聯人士上京，但被拒入境，回鄉證被注銷，又指內地更為危險，不會申請回鄉證。
呢啲就叫不識抬舉，又或者叫三分顏色上大紅，當然，羅小學雞兩年前乃一街頭小子，如今變成了高薪厚酬嘅「尊貴議員」，更加知道「惜身」，返內地「更為危險」，唉，魚仔蛤蟆自比北溟龍鯤，咪以為自己咁重要至得o架！生人唔生膽，當自己係大支嘢？有空多讀點歷史吧！莊閒不分，有幸做議員，只是「德不配位，必有災殃」嘅小學雞！
說回自小教導的問題。有論者指教養與現代社會裏所謂「正規教育」有本質不同，正規教育至今仍只是傳授知識的過程，把正規教育視為培養學生「批判性思考能力」的過程，在今天顯得蒼白無力，君不見不少在大學教書的，像邪惡教授鼓吹佔領的知法犯法，像劉小麗、鄭松泰之流，行為卑劣有目共睹，試問如何培養如章太炎所論的「小學」教養所涉及的，是灑掃進退接人待物的習慣。一個人的幼年教養，通常定在三歲至七歲，最晚可至十歲，人格心理學的當代研究表明，性格一旦定型，幾乎終生不變。蘇永康要執正子女幼年的行為，老朽十萬個支持。