近期有多個團體倡議搞熟食墟市，而食環署早前都作出提議，話新年期間選址喺旺角麥花臣球場舉辦，點知就畀油尖旺區議會否決咗。不過，食物及衞生局局長高永文就再接再厲，尋日話會積極同區議會溝通，亦都希望區議會收集地區意見後再作協調，向政府提供一個地區接受嘅選址，因為區議員較貼近地區民情咁話。其實選址問題最難拆解，但高永文就將最棘手嘅工作推畀區議會處理，若果最終搞唔成就可以怪區議會協調失敗，咁即係將個波踢畀區議會，自己就唔使上身啫！
