政務司司長林鄭月娥透露，各部門對慶典工作，早已喺舊年同將會喺今年嘅開支預算中，預留額外款項應付工作，唔需要喺立法會財委會申請額外一筆撥款，而每年預算案都會經立法會批准，2016/17年度預算案已獲批咗喇。嘩！原來可以咁鬼祟，一早攞定咗一舊錢，唔知係咪怕額外申請的話，就會拉布拉到攞唔到錢，搞唔成活動呢？
未有提及涉款總數
當局又話鼓勵大家出錢出力支持活動，成立「二十周年慶典基金」收集各界捐款，用以資助政府主辦或與團體合辦嘅大型慶祝活動以及地區慶祝活動，任何人只要不附帶條件捐款，就可以獲退稅，萬一基金有未用餘額，全數將撥入政府一般收入帳目內。其實，都唔知總共要用幾多錢，又點知要捐幾多畀你呀？