秋冬燥邪侵襲加劇乾眼症

每次睇手機睇得耐，雙眼又乾又痛，甚至有灼痛感？用手機或電腦「煲劇」令雙眼長期對着光源，看得入神甚至「眼都唔眨」，使淚液分泌減少，容易患乾眼症。中醫角度認為，秋冬以肺燥為主令，燥邪侵襲，使皮膚、咽喉及眼睛更為乾燥，因此踏入秋冬會加劇乾眼症情況。有中醫師指出，秋冬因乾眼症求醫者比夏季多兩成，工作壓力大、捱夜及易「忟憎」者是高危一族。

何慧潔指踏入冬季，乾眼症情況加劇。（黃偉邦攝）

肝火上炎脾胃濕熱易中招

註冊中醫師何慧潔表示，冬天患乾眼症情況比平日普遍，除了天氣乾燥外，冬天是打邊爐及燒烤熱門季節，飲食容易燥熱上火，加劇眼乾。此外，若發現眼部分泌物多且色澤較黃、大便稀爛兼易「燥底」，可能是肝火上炎、脾胃濕熱，此類體質人士較易患乾眼症。

愈來愈多人愛用手機「煲劇」，返工搭車的空檔也不放過，何慧潔說：「大家通常睇得太投入，唔記得眨眼，搞到對眼唔夠淚液分泌。」她見過有年輕女患者，平日佩戴隱形眼鏡，上班長期對着電腦，每晚臨睡前再用手機睇三至四個鐘韓劇，「除咗瞓覺，對眼根本無抖過。」持續一星期後，眼睛異常乾澀，視力模糊。女患者最初以為青光眼，其後證實是乾眼症。