民航處耗資十五億港元購入嘅新空管系統問題多多，除咗有飛機突然喺系統螢幕上消失，系統上又出現「鬼影」。民航處處長李天柱尋日再次解畫，話飛機喺系統上消失，新舊系統都有發生，預料新系統需時一年半載優化同微調。李天柱嘅講法，就證明咗新空管系統未臻完善，仲要講到冇嘢可以做到咁，即係佢蹺埋雙腳，乜都唔使做喇！民航處任由未完善嘅系統運作，將航空安全咁重要嘅事拎嚟試驗，簡直係草菅人命！
