港府早年為咗爭取迪士尼樂園落戶本港，不惜倒貼地皮同股本，結果樂園開業至今十一年，只有三年錄得盈餘，更加咪講收番成本。近日港府又提出要用過百億擴建主題園區《魔雪奇緣》等設施，其中政府注資五十八億元。港府洗濕咗個頭，惟有焗住加碼，面對迪士尼呢個無底深潭，商務及經濟發展局局長蘇錦樑繼續自欺欺人，聲稱擴建後可吸引更多非內地旅客，最怕到時只係本地遊客撐場，大家惟有齊扮《魔雪奇緣》主角，為枉花嘅公帑唱首《Let It Go》喇！
