中環出更：示威不停 30人上門鬧漢奸黎黑金亂港
反壹傳媒黎智英（漢奸黎）行動一浪接一浪，尋日朝早再有三十人帶同寫有反黑金等字句嘅標語，到漢奸黎位於何文田嘅寓所外抗議，怒斥漢奸黎黑金亂港。
尋日朝早約八時，三十名男女聲稱自發到漢奸黎寓所外示威，手持五星旗同區旗，又帶同多塊寫上「黑金亂港 黎狗無耻（恥）」、「拘捕占（佔）中黑手黎智英」等字句嘅紙牌到場，又大叫口號抗議。佢哋逗留至十時和平散去，期間警員曾到場了解。
下晝折返 高叫口號
至下午一時五十五分，佢哋再返回現場示威，期間見有房車駛入漢奸黎寓所，示威人士隨即衝前圍住房車，高呼「肥佬黎滾出香港」，擾攘約一分鐘後又返回原位繼續示威，逗留至約兩點半鐘離去。
近期針對漢奸黎嘅示威行動不絕，自六月十日起計，至今已踏入一百七十日，連同尋日行動在內，到漢奸黎寓所外同將軍澳壹傳媒大樓外示威嘅行動最少達九十九次，當中自稱霸王國際集團員工同苦主佔十次、正義聯盟佔三次，旅遊業界同其他人士就有八十六次。
卓妮