政情：公民講場：譚文豪怒插新空管 張炳良包庇死撐

民航處引入嘅新空管系統引起爭議，本身係飛機師嘅立法會議員譚文豪尋日引述消息指新系統啟用至今，雷達顯示屏幾乎每日都出現「航機消失」、「航機重影」同「鬼機」等亂象，其中一日更喺短短半小時內有六班航機突然「消失」，但運輸及房屋局局長張炳良就死撐話新空管系統雷達出現間歇性未能顯示飛機位置，情況並唔係系統本身嘅問題，認為好多時候受航機應答器問題、航機位置同天氣狀況等其他因素影響，又指所有空管系統都會出現類似嘅情況。意外一次都嫌多，張炳良死撐只會令人覺得佢包庇民航處，官官相衞。