中環出更：近40示威者叫亂港漢奸黎「過主」
聲討壹傳媒黎智英（漢奸黎）嘅行動持續，尋日兩批共三十八名自發人士先後踩上漢奸黎嘅寓所外示威。佢哋拉起印有「拘捕佔中黑手黎智英 鏟除毒果鏟除壹傳媒」等標語同橫額，怒轟漢奸黎係黑金金主、收皮過主，以及黎狗無恥、滾出香港。
與附近居民一度口角
尋日朝早約七時三十分，前後共十名聲稱自發嘅市民抵達漢奸黎位於何文田嘅寓所外，佢哋拉起橫額及標語，以擴音器大叫「黎智英反中亂港」、「壹傳媒毒害香港」等口號，並揮舞五星旗同播放《義勇軍進行曲》。期間有附近女住戶放狗經過，批評示威人士過於嘈吵擾民，與示威人士爭論。及後，一名附近嘅男住戶出門時亦與示威人士理論，指佢哋「太早啦，唔係反對你哋示威，但唔好咁早」，示威者逗留約一小時後離開。
及至中午十二時，另一批共二十八名聲稱自發前來嘅人士帶同香港區旗、五星旗及橫額抵達漢奸黎嘅寓所外示威，舉起寫上「黑金金主 收皮過主」及「黎狗無恥 滾出香港」等標語，逗留約三十分鐘後離去，而喺下午二時再折返，逗留約二十五分鐘和平散去。
近期針對漢奸黎嘅示威行動不絕，自六月十日起計，至今已踏入一百六十八日，連同尋日嘅行動在內，到漢奸黎寓所及將軍澳壹傳媒大樓外示威的行動最少達九十七次，當中自稱霸王國際集團員工及苦主佔十次、正義聯盟佔三次，旅遊業界及其他人士則有八十四次。
卓妮