中環出更：示威浪接浪 25人上門鬧漢奸黎禍港
反壹傳媒黎智英（漢奸黎）嘅行動浪接浪，尋日再有約二十五名聲稱自發嘅人士踩上漢奸黎寓所外示威，佢哋手持印有「黑媒禍港，罪延下代」等橫額同標語，又高叫口號，怒斥漢奸黎禍港害民。
折返再抗議 嗌口號舉標語
尋日下晝約二時，二十五名聲稱自發嘅人士抵達漢奸黎位於何文田嘅寓所外，佢哋手持印有「黑媒禍港，罪延下代」、「媒界耻（恥）辱，禍港害民」等標語同橫額示威，又大叫口號，佢哋逗留至二時四十五分離開，及至下午三時半，再折返回現場示威，逗留約十分鐘後和平散去。
近期針對漢奸黎嘅示威行動不絕，自六月十日起，至今已踏入一百六十日，連同尋日嘅行動，到漢奸黎寓所外及將軍澳壹傳媒大樓外示威嘅行動最少達八十八次，當中自稱霸王國際集團員工及苦主佔十次、正義聯盟佔三次，旅遊業界及其他人士則有七十五次。
卓妮