中環出更：示威者上門怒扑「漢奸黎」
反壹傳媒黎智英（漢奸黎）嘅怒潮一發不可收拾，尋日有自稱「旺角盟友」嘅人士踩上漢奸黎嘅寓所外抗議，除拉起「政治黑金 操縱選舉 禍港殃民」等橫額外，更手持貼上寫有賣國賊及漢奸黎頭像嘅吹氣公仔遊街，又拖行三個分別貼上佔領行動發起人之一戴耀廷、立法會議員毛孟靜及鄭松泰頭像嘅足球，頭像上更寫有「漢奸」字樣，示威者更高呼「打倒黎智英」及拘捕佔中黑手。
持貼有黎頭像公仔遊街
尋日朝早約十一時，二十九名聲稱「旺角盟友」嘅人士帶同寫上賣國賊及貼上漢奸黎頭像嘅吹氣公仔，並拖行三個「漢奸」足球，遊行至漢奸黎位於何文田嘅寓所外示威，佢哋手持多支五星旗，並拉起印有「拘捕佔中黑手黎智英」、「政治黑金 操縱選舉 禍港殃民」等字樣嘅橫額，又棒打吹氣公仔及足球，怒斥漢奸黎禍國殃民，又高叫「打倒黎智英」等口號，佢哋逗留至約十二時和平散去。及至下午約二時四十五分，示威者折返現場，再逗留一小時後離去。
近期針對漢奸黎嘅示威行動不絕，自六月十日起計，至今已踏入一百五十九日，連同尋日嘅行動在內，到漢奸黎寓所及將軍澳壹傳媒大樓外示威的行動最少達八十七次，當中自稱霸王國際集團員工及苦主佔十次、正義聯盟佔三次，旅遊業界及其他人士則有七十四次。
卓妮