【本報訊】「我一定信爸爸嘅，佢冇做錯，佢平時都唔會犯規。」奪命車禍中因涉嫌危險駕駛導致他人死亡被捕的小巴司機，正面臨可能被檢控而徬徨不已，他雖然堅稱是電單車衝燈肇禍，但目前苦無證人，目擊意外發生的小巴上乘客均因趕時間離開，他女兒獲知情況後，堅信父親所說，擔心他被無辜入罪，隨即在facebook專頁上發文助父尋找消失的證人。
被捕小巴司機的女兒叫「阿臣」（廿三歲），當她在電視上看見父親在現場協助調查時顯得十分徬徨時，「真係好心痛！」父親致電她告知事件時已經「冇晒心機」，他向她表示自己並無做錯，是電單車衝燈，但無奈意外發生後，小巴上的乘客均因趕上班等原因，即時離去，無留下聯絡資料，案件變成無第三者作證，阿臣擔心父親被冤枉，故盼目擊者挺身而出，還事件一個真相。
她堅信父親所說：「如果佢做錯嘢就算啦，但依家咁樣好無辜。」隨即協助父親尋找消失的證人，她在facebook專頁上發文，呼籲當時小巴上的乘客或任何目擊者挺身出來作證，她又表示：「我可以證明佢（父親）好精神咁返工，冇病冇痛，佢尋晚瞓咗十幾個鐘……佢係好盡責，就算有病都會交部車畀第個揸，唔會夾硬嚟。」
阿臣指，其父一直任職司機，以往駕駛貨車。而她本人則任職廚師，最近六月因工傷而被迫停工停薪。她忍不住哭起來說：「阿爸一直都無條件照顧我……佢仲同我講，話你好番之前，阿爸都會照顧你。」阿臣表示，父親在近月曾發生交通意外，他所駕駛的小巴遭一架「綠Van」撞尾，父親受傷送院，她趕去醫院探望，不料，今次父親又駕同一架小巴出事，她嘅嘆：「都唔知咩事咁黑仔！」現在父親被捕，她十分擔心父親會被無辜入罪。