政情：周伯展教路OL防乾眼症
港人成日對住電腦同埋手機，雙眼乾澀係唔少人嘅問題。眼科醫生周伯展日前出席亞洲防盲基金會活動時話，香港約有近一百萬人有乾眼症問題，但由於徵狀唔明顯，容易被忽視。佢話長時間佩戴隱形眼鏡、對住電腦工作太耐或者睡眠時間不足都有機會導致乾眼症，最經常發生喺OL身上。
眼球練習緩視力惡化
周伯展話，人嘅淚水成分除咗水分外，仲含有電解質、油脂同蛋白質等，如有乾眼症當然要盡快向醫生求醫，亦可用熱敷改善不適情況。
講到近視，佢話透過眼球練習可減低視力惡化，建議市民每二十分鐘就望二十秒二十呎以外嘅嘢，放鬆雙眼。佢仲話，種族基因亦影響視力問題，舉例中國、日本、印度及猶太人都較多患有近視，因為呢啲古老民族及打獵者望遠物多，依家住喺現代化城市，亦較容易患有近視喎！