中環出更：毛孟靜開大會伏枱大覺瞓
立法會保安事務委員會尋日朝早開會討論打擊電話騙案，坐喺主席位置最左方嘅公民黨立法會議員毛孟靜（阿毛），竟然伏在枱上大覺瞓。當會議後來轉到討論「全面檢討處理免遣返聲請的策略」議程時，阿毛先至瞓醒舉手示意要求提問。不過佢以為仲討論緊打擊電話騙案，竟問：「唔係講電話騙案咩？」結果要黨友指正才如夢初醒，真係冇眼睇。
美孚辦事處有反黑金示威
另一邊廂，阿毛位於美孚嘅辦事處遭遇示威，「反黑金、反港獨關注組」約廿名成員抗議阿毛為港獨分子護航，又接受壹傳媒黎智英嘅捐款，佢哋大叫如「肥黎派黑金，毛婆搶住爭」、「今日香港亂象生，毛婆絕對是禍根」、「毛婆禍港數十載，反華亂改心不改」等口號，要求有關部門立即褫奪毛嘅立法會議席，又促港府盡快就《基本法》二十三條立法。
示威者又批評，阿毛喺青年新政梁頌恆及游蕙禎嘅宣誓風波中，刻意維護兩人，屬於曲線撐港獨。而阿毛接收漢奸黎嘅捐款，但又無向立法會申報，批評阿毛一直反中亂港。
對於佢喺上屆議員任內，曾經向立法會申領逾一千萬港元資金，形容佢係奢侈嘅議員，部分資金更用作購買帳篷及發電機，明顯係佔領行動嘅物資，與其議員職務並無關係，轟佢愧對選民，要求引咎辭職。
卓妮