小學雞游蕙禎、梁頌恆眼見人大釋法一錘定音，為鼓吹「港獨」、「民族自決」的一班妖孽敲響喪鐘，卻仍然死纏爛打，要立法會主席梁君彥為他們監誓，這兩隻小學雞就是愛玩「再搗亂，再失敗，直至灰飛煙滅」遊戲。
游、梁二人根本唔知道自己在玩火，而那些泛民政客如涂謹申之流，一方面表示反對兩人暴力硬闖立法會，另一方面卻火上加油，組成人牆護送兩人進入會議室，令兩隻小學雞更加亢奮勇武，恍如打了雞血，佢哋已不能自拔向地獄之火邁進，而火燄卻為泛民照明，難怪有識者感嘆：人吃人，還有比這樣更殘酷的嗎？兩隻小學雞嘅違法行為愈來愈多，「港獨」之心愈來愈明目張膽，勾結「台獨」亦更加張揚，火燒到埋身仲好得戚，死蠢成咁，真係救得番都嘥醫藥費。
日前的反釋法遊行變成佔領西環，兩隻小學雞不但有參與，亦有份策劃衝擊，但最終卻變成「叫人衝自己鬆」鬧劇，如此丟人現眼的龜縮青年，仲有乜面目出來行？咁冇承擔嘅窩囊廢，試問憑乜嘢質素成為議員？兩隻小學雞擺到明已自絕於廣大市民，好心唔好郁啲就攞「民選議員」嚟遮醜壯膽。反對你哋成為議員並要求向你哋追回已發放薪津嘅怒火，已經撲都撲唔熄！
也許民主黨同公民黨都聞到(火羅)味，於是急急腳發表聲明，與青年新政衝擊議會嘅行為劃清界線；可惜吖，兩黨分別有個別議員以行動聲援佢哋，除惡未能務盡，最後一滴污水一樣弄髒一池水，更何況原來的池水已有無數死烏蠅。
今次人大釋法，可說是對「港獨」分子揮出一記重拳，有助冇神經政府割除「港獨」毒瘤，港府唔好又懵盛盛來個「醫療失誤」，刮毒不清，傷口含膿，香港半生不死，屆時北大人「為了國家主權、統一和領土完整」，恐怕不止釋法咁簡單。