政情：模擬駕港鐵CY搞到熄機
港鐵學院尋日開幕，特首梁振英（CY）喺開幕禮後參觀學院內嘅設施，並走進一間學習室，室內擺放咗一部模擬駕駛列車嘅器材，CY聽取如何操作嘅簡介後，突然說要嘗試操作，並隨即坐低望着電視播出嘅模擬路軌片段，準備操作模擬列車行走，誰知佢推動控桿後，面前嘅電視隨即變黑。佢坐低操作摸擬駕駛前後不足十秒，電視突然熄機，佢即時露出尷尬嘅笑容，而在旁嘅港鐵高層亦尷尬地笑。
其後，港鐵職員重新開機，模擬駕駛器材恢復正常運作後，CY再嘗試操作，這次佢推動控桿後，模擬列車正常行使，之後便離開學習室，但全程佢表現得相當尷尬。
哈薩克斯坦起鐵路 向港鐵取經
港鐵主席馬時亨（肥亨）尋晚出席一個活動時透露，早前曾到哈薩克斯坦訪問，得悉當地喺兩年後會興建鐵路，仲叫佢幫手培訓人才，咁佢就即時建議對方嚟港鐵學院，而近日收到消息，對方將會派數十人到港鐵學院培訓添！