中環出更：30人冒雨上門鬧漢奸黎禍港
約三十名聲稱自發嘅人士，尋日冒雨踩上壹傳媒黎智英（漢奸黎）寓所外示威，並拉起「千古罪人黎智英 黑金操縱 賣國禍港」嘅橫額，高呼漢奸黎滾出香港。
舉橫額嗌口號示威
示威者喺尋日下晝四時抵達漢奸黎位於何文田嘅寓所外，部分人士手持印有「千古罪人黎智英 黑金操縱 賣國禍港」、「黎智英滾出香港」等標語及橫額，並手持五星旗，大叫口號示威，因雨勢漸大示威者逗留至約四時二十分便離開。
近期針對漢奸黎嘅示威行動不絕，自六月十日起計，至今已踏入一百五十四日，連同尋日嘅行動在內，到漢奸黎寓所及將軍澳壹傳媒大樓外示威嘅行動最少達八十二次，當中自稱霸王國際集團員工及苦主佔十次、正義聯盟佔三次，旅遊業界及其他人士則有六十九次。
卓妮