政治嘈吵不已、經濟停滯不前，加上政府冇神經導致民怨沸騰，令香港近年嘅國際競爭力每況愈下。尋日英國一個智庫公布最新全球繁榮指數排名，香港嘅名次較去年連跌三級至第二十三位，喺亞洲地區中被新加坡及日本拋離。該智庫明言，擔憂香港未來被不確定性因素籠罩。香港近年確係「病得不輕」，如果任由政治紛爭升級，政府繼續無為無能而不自知，香港前景確實堪憂。
