中環出更：示威者又踩上門 橫額數臭漢奸黎

斥捐款佔中 操控泛民亂港

尋日早上大約十時四十分，廿九名自稱無組織、自發前來嘅男女，抵達漢奸黎位於何文田嘅寓所門外。佢哋舉起寫有「黎智英密捐巨款推動佔中　背後傳出CIA亂港計劃」、「重金操控泛民」等標語及橫額，期間未有呼叫口號。後來警員到場了解，並登記負責人嘅資料，而示威者則逗留至中午約十二時離去。

近期針對漢奸黎嘅示威行動不絕，自六月十日起計，到漢奸黎寓所及將軍澳壹傳媒大樓外示威嘅行動，最少達七十七次，當中包括自稱霸王國際集團員工及苦主佔十次、正義聯盟佔三次，旅遊業界及其他人士則有六十四次。

卓妮