民航處嘅新空管系統下月就會全面啟用，點知新系統喺測試運作期間，因為配合即將喺珠海舉行嘅航天博覽會，輸入咗一啲罕有指令導致電腦突然「死機」，好彩當時有舊系統頂住，否則隨時發生空難慘劇。新空管系統用咗成十五億買返嚟，點知穩定性就好似玩花式飛行咁驚險，就算民航處同運輸及房屋局信誓旦旦話會確保系統同操作人員達至高水平先全面啟用，但啟用前爆單咁嘅醜聞，都好難令市民有信心囉！
