都說「時勢造英雄」、「亂世出梟雄」，然而，香港呢個時勢卻造狗熊，亂世更出無數是非不分嘅妖孽，像無知無恥嘅梁頌恆和游蕙禎，梁三十歲，游二十五歲，好眉好貌本應為港人做實事，誰知一朝得志語無倫次，而爛果報以歪論穿鑿附會為其鼓與吹，遂使兩位反智低能小學雞仍口響扮有型，一班是非不分嘅非建制派議員更為梁、游築人鏈使其成功進入會議廳，不過，這除了暴露他們「人無是非之心，非人也」，亦令兩位小學雞再次出醜。
立法會群魔亂魔，要同海洋公園嘅鬼屋搶生意。一眾妖孽不聽主席梁君彥嘅命令，反高呼梁失去主持能力，要他下台云云。阿哥，主席根據《議事規則》第一條，兩位小學雞不能出席會議，你班不知所謂嘅泛民政客，竟甘願充當幫兇，誠如同文所指出：「平時總是以藍血貴族自居，將法律公義掛在嘴邊，如今有人拿莊嚴的宣誓儀式來胡鬧，他們不僅沒有出來維護法律尊嚴，反而助紂為虐，將立法會搞得烏煙瘴氣，臭不可聞。」呢班妖孽蛇鼠一窩，只要「以子之矛攻子之盾」，立即妖氣盡現，明明是偽君子真乞兒，好心唔好成日扮正義之士啦！
兩名辱華議員即使坐定定喺立法會嘅座椅上，亦唔會令佢哋變得尊貴起來，梁頌恆手執《議事規則》耍無賴本色，以為自己手持聖旨，卻氣急敗壞，係都要主席為佢監誓。而游蕙禎揸住部手機，彷彿大導演上身要拍出個未來，佢雙眼有點殺氣，怒斥梁君彥係「破壞立會尊嚴元兇」，老朽真係又要仰天大笑三聲，你喺立法會公然播獨玩嘢，又「支那」又「Re-FXXking」，就係「原創」而非「元兇」，立法會你玩晒呀？此外，不少政客披着尊貴議員嘅外衣，實則粗鄙無禮至極，像倒插國旗區旗的鄭松泰，一朝得志躊躇滿志，未做過一件正經事卻到處挑釁。