發展局局長陳茂波前日提出跨越二○三○年規劃與策略研究建議，立法會議員朱凱廸尋日出席電台節目時就直言對研究報告感到失望。朱凱廸話，政府嘅規劃並冇應對全球暖化同環境轉變，批評政府今次嘅規劃願景好似停留喺九十年代咁，只係想搞好經濟，冇考慮點應對天災人禍。唔知朱凱廸認為點樣規劃先可以應對天災人禍呢？防地震？防打風？防水浸？但呢啲都只係防天災，人禍就唔知點樣喺規劃時預防喇，唔通佢學過風水命理或者有水晶球預知未來？不過，估計喺陳茂波眼中，人禍係朱凱廸都未定。
