中環出更：30人踩場叫「黎狗」滾出香港
上月立法會選舉期間，壹傳媒黎智英（漢奸黎）不避嫌明撐泛民主派，又喺投票日前急召有「李漢奸」之稱嘅民主黨創黨主席李柱銘等人到其寓所密會，跟住就爆出泛民棄選潮，被批評有操控選舉之嫌。尋日有約三十名示威人士手持「黎狗滾出香港」、「黎智英操縱選舉、禍港殃民」標語，去到漢奸黎寓所外抗議漢奸黎操縱選舉、禍港殃民、反中亂港。
抗議操縱立會選舉
尋日朝早十時三十分，一批着住紅色衫嘅示威人士聲稱自發到漢奸黎位於何文田嘅寓所門外抗議。佢哋手持印有「千古罪人黎智英」、「黎智英操縱選舉，禍港殃民」標語嘅示威牌，以及手持區旗及五星旗，高叫「禍港殃民」、「反中亂港」等口號，直至十一時許先和平散去，期間一度有警員到場了解。不過，到下午二時半，示威人士又再折返抗議，逗留到下午三時先再離開。
針對漢奸黎嘅示威一浪接一浪，自六月十日起，到漢奸黎寓所及將軍澳壹傳媒大樓外示威嘅行動最少達七十次，當中自稱霸王國際集團員工及苦主嘅佔十次、正義聯盟佔三次，旅遊業界及其他人士則有五十七次。
卓妮