熱心街坊商戶 撬門破窗救人
【本報訊】小巴翻側「人疊人」，熱心街坊合力營救顯現團結精神。姓孔小巴司機經歷生死一刻猶有餘悸，他稱事發時車速不快：「架城（新）巴應該停車畀我過嘅，但佢直頭冇dup，攔腰撞埋嚟，電光火石話到就到，我都睇唔到，咁咪畀佢撞到囉」，事發後他第一時間關心乘客情況及報警，他稱自己腰骨及頸痛，幸傷勢不嚴重：「我叫執到啦，啲乘客傷咁多我個心都過意唔去。」事發後，不少商戶衝到小巴旁撬門破窗救人，給驚魂未定的乘客送上一份安慰。
現場可見，有乘客被救出後表現驚慌，當場痛哭，亦有人立即致電家人報平安，受傷的姓朱小巴乘客稱，他坐在尾二排，事發時感覺車速不快，但「車上好多人都冇戴安全帶」，被撞後「車廂人疊人，好多人大嗌」，幸未有太大混亂。
另一名受傷女乘客稱，事發時「（新巴）咁樣衝埋嚟，撞到我哋架車翻轉咗！」車禍後，她稱乘客們都表現鎮定，留在車廂等救援，數名傷者已不省人事，有男乘客則撞爆前方的玻璃逃生，其後她在消防員協助下離開車廂，而有救援人員搶救傷重的乘客。
「三個月一撞 今次最嚴重」
意外後有不少熱心街坊衝到現場幫忙，姓阮菜檔工人立即放下工作，拿起鐵筆撬開小巴太平門救援，他稱鎖頭被撞歪「好難撬」，又謙稱自己不是英雄，笑稱：「幫吓手啫，大家街坊！」不過，他稱事發現場「三個月撞一次，最嚴重係今次。」
另一名姓嚴士多東主表示：「聽到『嘭』一聲即刻衝過去，『拿拿聲』扑爛玻璃，逐個逐個掹出嚟」，他見到小巴乘客「瞓埋一邊，人疊人」，由於滿地玻璃碎，需以紙皮墊地，讓傷者躺下，他稱消防員其後趕至現場繼續救人。嚴亦指現場路口經常發生交通意外，認為政府需要加設交通燈。