新一屆立法會一開局便亂象紛呈，宣揚港獨的激進議員登堂入室，青年新政嘅梁頌恆和游蕙禎更是玩出火，在莊嚴的誓詞加入侮辱全球華人字眼，游蕙禎嘅英文粗口更是迹近猥瑣無賴，比「扑嘢」更粗鄙。
「士不立品者，必無文章。」而作為代議士，不立品者必無好說話，開口埋口都是髒話，臭不可聞，且敢做不敢認，加上小學雞的識見，又不懂尊重自己的身份，簡直是胡作非為，人格分裂，既要貞節牌坊，又要做婊子。
「安危在出令，存亡在所任。」這是司馬遷《史記‧楚元王世家》篇末的評語，意思是，安全和危險在於發布甚麼法令，生存和滅亡在於任用甚麼人。特區冇神經政府大概見到民意滔滔都衝着青年新政兩位議員，尤其是公然在宣誓時「播獨」，如此狂妄傲慢，無疑已經觸及阿爺底線，於是臨急臨忙向法庭申請司法覆核，並要求禁止梁、游二人再宣誓。然而，高院拒絕頒臨時禁制令，建制派亦未能說服立法會主席梁君彥不讓兩人再宣誓，於是集體離場製造流會阻止宣誓。而流會後更發生掟午餐肉鬧劇，立法會已淪為群醜劇場，如此丟人現眼，本屆立法會在民生、經濟議題上必然空轉，香港步向沉淪，睇怕神仙難救。
整個議事堂恍如無掩雞籠，未能宣誓嘅小學雞依然全無悔意，千夫所指仍然一臉得戚，龜速宣誓嘅劉小麗仲廢話一大堆。其實佢當日有向傳媒解釋：如果每個字都相隔六秒，你點可以覺得佢係一句句子嚟呢？可能係九十幾篇文章嚟！佢仲懶醒咁話：係想表達宣誓內容嘅虛妄，唔係聽緊一啲有內容嘅嘢。當日老朽睇見佢死唔斷氣嘅「宣誓」，真係好想一拳打爆個電視機，不過老朽只係剎那虛火，否則破財傷身，為班小學雞流下第一滴血，我會怨恨自己太傻太衝動，還是擔定櫈仔剝花生睇群醜如何亂舞吧！