政情：冇格價 柯仔買血壓計呻笨

柯仔透露，三星期前辦事處職員去電器舖買咗兩部血壓計，每部價值四百六十蚊。點知佢尋日出席社企明途聯繫旗下賣復康用品嘅卓思廊開幕禮時，發現佢部血壓計原來只係賣四百二十蚊，再加埋呢家舖頭做緊特價，賣每部三百六十八蚊，足足比起佢買嘅時候平咗差唔多一百蚊。柯仔仲買咗兩部，所以蝕咗接近兩舊水。

頻幫街坊量度 半年要換新

佢話辦事處一向每星期會幫街坊量三、四晚血壓，最高峰時有差唔多一百人排隊，所以佢部血壓計大概半年左右就要換一次。經過今次蝕水嘅經驗，佢話下次要換機時就會記得格吓價先買，以免又再跌錢。另外，佢仲透露，同明途聯繫嘅行政總裁鍾偉成識咗十幾年，一直都有工作上來往，所以今次獲邀出席開幕禮。