政情：譚文豪申報係「宅」男

不過，譚文豪回覆時就強調已向立法會申報持有物業，只係立法會秘書處未上網。另一個議員新丁、工聯會勞工界嘅何啟明就真係無殼蝸牛嘞，佢仲填報咗受薪職位係觀塘區議員。

阿涂老婆日本擁兩物業

至於多名連任議員當中，民主黨涂謹申向立法會申報喺港島區擁有一個住宅物業嘅一半業權，其任職公關嘅太太則喺日本擁有兩個住宅物業。翻查上屆立法會嘅申報資料，當時阿涂僅申報太太喺日本擁有物業，但冇說明數量，未知涂太係咪趁最近日圓匯價低水，再度出手喺日本增購物業作投資呢？

此外，過去曾經爆出匯標醜聞及被指收受壹傳媒黎智英秘密捐款嘅阿涂，喺「選舉捐贈/財政贊助」及「公司或其他團體的股份的實益權益」嘅申報入面，分別寫咗「容後奉上」或暫時懸空。