有人話四眼仔多數都好鹹濕，不過計我話唔戴眼鏡嘅男人都係鹹濕嘅！話時話，戴眼鏡予人斯文以及勤力讀書嘅印象，但係咪代表佢哋唔活潑呢？答案絕對唔係！好似加藤里保菜呢位眼鏡妹咁，成日都咁活潑好動，仲好好笑容添！
小弟我十幾歲就開始戴眼鏡，原因係睇得電視多加上成日打機之故。而戴眼鏡之後，好多女同學都話我斯文咗、靚仔咗，不過僅此而已！因為當時班女仔鍾意運動型男仔，我呢啲睇落勤力讀書嘅四眼仔真係冇運行！然而，小弟想變成運動型男都唔得，因為副眼鏡對做運動的確係有相當大阻力。之但係，到今日我至發覺，其實戴眼鏡都可以好活潑兼充滿陽光氣息，大家睇吓加藤里保菜就知喇！里保菜最近至開始拍水着寫真，不過佢就唔係近期至公開露面，其身世一陣間先同大家講喇。里保菜嘅眼鏡妹形象斯文優雅，一睇就知佢係知書識禮之士。而阿妹個樣又唔係生得一味文靜，笑起上嚟嘴角含春，雙眼仲散發出精靈光彩，陽光感覺出晒嚟！身材方面，雖然纖巧瘦削，但係肉地白滑得嚟又充滿彈性，予人精力旺盛嘅感覺，男人見到佢咁雪白嘅嬌軀亦會精力湧現啦！
里保菜剛好21歲，喺藝能界算相當年輕，其實喺2008年，即係阿妹13歲嘅時候，其精靈可愛嘅面孔已經被藝能事務所睇中，簽佢為旗下模特兒。2012年里保菜漸見成熟，並參加「Avex偶像選拔」，結果勝出並獲選成為美少女偶像組合iDOL Street嘅成員之一。除咗喺舞台展示活力十足嘅歌舞表演，里保菜參演過唔少舞台劇，例如《時間和空間警察》，以及今年嘅《名偵探柯南 海上之迷宮》等等。雖然阿妹喺舞台界都算多人認識，不過令其人氣極速爆升嘅原因，係佢成為電視節目《排位王國》嘅第11代女主持，精靈生動嘅表情，加上嬌嗲可愛嘅聲線令觀眾耳目一新。不過，里保菜近期覺得係時候發圍，決定瞓身一脫，拍水着寫真吸納更多人氣，我哋男士們真係有眼福喇！
簡介：加藤里保菜做主持同拍寫真嘅時候都好少會除低眼鏡，不過大家可以從其Twitter當中嘅照片，見到阿妹唔戴眼鏡個樣，會覺得佢靚女咗又成熟咗。
網址：https://twitter.com/rihonyan103?lang=ja
年齡：21歲
身高：5呎1吋
三圍：31-23-33
撰文：賢