中環出更：兩漢奸密會兩老鴿又想攪局
新一屆立法會七十名議員下周三正式宣誓，正當外界關注多名本土自決派喺宣誓時「加料」會唔會係亂局一場，壹傳媒黎智英（漢奸黎）又密謀攪局。過往漢奸黎多數喺何文田寓所舉行密會，尋日就移師至中環陸羽茶室飯局，外號「李漢奸」嘅民主黨創黨主席李柱銘係座上客，連同外號「AV仁」嘅立法會前議員何俊仁同李永達（高達），再度上演四人密會飯局！
漢奸黎惟恐天下不亂
尋日中午十二點四十五分，漢奸黎喺何文田寓所出發，坐私家車到李漢奸位於馬己仙峽道嘅寓所，然後二人同車喺約下午一點半抵達中環陸羽茶室，並開咗四個座位，坐喺近門口位置。而約十五分鐘後，AV仁抵達會合，再過十分鐘，高達亦現身，四人之後邊開餐邊指手畫腳。
漢奸黎、李漢奸等四人密會歷時兩個幾鐘，直至下晝三點半左右先結束，並分兩批離開，其中AV仁同高達步行離開，漢奸黎同李漢奸就坐同一架私家車離開，司機先送李漢奸返去馬己仙峽道寓所，再喺約下午四時半返到漢奸黎寓所。漢奸黎揀正立法會復會前密會，加上建制派同非建制派正就各事務委員會正副主席協調人選，令人懷疑有人想趁機搞搞震兼指點江山，惟恐天下不亂嘞！
卓妮