探射燈：內地客減 餐廳一枱難求不復再
十一假期以往是內地人來港消費的高峰期，飲食業視之為新年和中秋以外的「搵真銀」假期；不過，受累於經濟疲弱，有業界人士指現時距離假期不足一周，惟訂座率只有約五成，預期到假期前一天仍會有「吉枱」，故對生意額不容樂觀。
「食非重點」 消費模式變
「一來少咗遊客嚟，二來嚟嘅人都唔係太着重食，可能求其入間茶餐廳填飽個肚就算。」香港餐飲聯業協會會長黃家和指，現時內地客來港的消費模式已轉變，大多是即日來回的購物客，「食」對他們來說不是重點，「生意唔樂觀，保持到同上年一樣已經好好。」
他表示，以往「一枱難求」的情況不再復見，更指現時訂座率只有一半，「估計有啲酒樓同埋餐廳到假期當日都會有吉枱，街客行入去都會有位，好多餐廳都要平價餐吸客。」