政情：公民講場：波叔搶地起樓 姚松炎又開火

候任立法會建築界議員姚松炎喺橫洲發展爭議，對發展局局長陳茂波（波叔）等主責高官窮追不捨，而一波未平一波又起，姚松炎擬再下一城，聯同即將卸任議員嘅陳家洛疑再向波叔「開火」，批評政府打算將鴨脷洲利南道香港駕駛學院改劃成私樓，認為此舉不但再次剝奪居民休憩用地，更破壞多年地區規劃，促請政府聆聽民意，還海濱於民。仲記得政府喺橫洲爭議擾攘十六日先舉行記者會撲火，但規劃署尋日就即刻回應姚松炎，話唔反對改劃，亦認為政府嘅方案毋須更改，睇嚟雙方會繼續駁火，唔知點收科呢？