政情：怕咗國泰 應家柏搭法航
因管理不善而喺全球最佳航空公司排行榜「節節下跌」嘅國泰航空，經常出現延誤問題，搞到好多乘客都怨聲載道，就連馬會CEO應家柏都係受害者之一。
赴法睇凱旋門大賽
事關喺早排舉行嘅香港賽馬會社區盃，應家柏就因為國泰原定嘅航班兩度延誤，最終未能按預定時間回港出席賽事，佢覺得無癮之餘，只能喺自己嘅網誌大吐苦水。
應家柏日前透露，今個禮拜六就會飛去法國睇凱旋門大賽同埋出席唔少會議，之後會趕返嚟睇下周三嘅賽事，但可能怕咗國泰航空再度延誤，所以佢今次選擇搭法國航空（Air France），應該係一個好選擇啦！