政情：佗B唔准搬傢俬 陳家珮聽老爺話

Judy嘅老爺以前從事傢俬行業，當年曾經以百無禁忌嘅心態，為一名準爸爸裝嵌傢俬，但為減風險，當時已請客人嘅太太離家避席。可惜，客人未出世嘅小孩喺當晚出事，所以令Judy嘅老爺留下深刻印象，深信懷孕期間唔可以移動傢俬。

胃口更佳　胎兒都有肚腩

由於事件係老爺嘅親身經歷，Judy非常理解。加上，佢知道移動傢俬後胎兒出意外會難以同家人交代，所以決定家中一切不變，就連早已購入嘅嬰兒床都只放喺一邊，打算留待分娩過後才安裝。佢笑稱，相信分娩回家後，屋企會靠老公一人之力而大變身！

講起佢嘅前黨友趙哲妤日前被揭未婚懷孕六個月，佢話女性會留意到身體變化，又形容自己口味同情緒變化唔大，唯獨係胃口比以往更好，特別容易肚餓，而進行檢查時，醫生更指胎兒有肚腩，果然吸收喎。