中環出更：議員無手尾 立會咖啡角停食物外賣
立法會綜合大樓五樓嘅咖啡角提供食物同飲品，供立法會議員休息，立法會秘書處尋日向候任立法會議員發出文件，指檢討咖啡角價格同外賣安排後，基於「有咖啡角餐具遭遺留在議員辦公室樓層茶水間，造成衞生問題」，決定下周一起唔再接受食物外賣訂單。唔少議員例如梁志祥、陳克勤同鍾樹根等亦曾喺場內開餐。
餐具遺茶水間損衞生
文件指咖啡角設計建基所預備及供應大部分食物及飲品均在場內享用，由於接獲大量外賣訂單，影響在內用膳嘅議員同賓客服務，加上秘書處曾接獲造成衞生問題嘅投訴，所以咖啡角下周一起只接受飲品外賣訂單。
有議員助理認為新措施「好唔方便」，因為如非自備水杯，就要以即棄紙杯盛載飲品，但究竟邊啲議員及議員助理曾將餐具留喺茶水間惹衞生問題，相信佢哋心中有數。
卓妮