政情：今日你上鏡：方國珊舊相證「凍齡」

啱啱喺立法會新界東選舉落敗嘅西貢區議員方國珊（哪吒）尋日上載咗幾張陳年舊相，相中嘅哪吒睇落只有十幾廿歲，但係就同依家無乜分別，有人仲留言話佢係「食咗防腐劑」添！曾經做過藝人嘅哪吒話，張相係佢一九八七年去馬來西亞登台時嘅報紙頭版，當時佢只係初初入行，就已經做主角，但佢好快就息影去讀書。問到點解咁好興致去搵舊報紙，哪吒話係佢好友森森、斑斑專程搵出嚟鼓勵佢，仲話因為之前工作過嘅電視台曾經有火災，搞到好多舊相都付諸一炬，呼籲大家如果有舊相就提供畀佢咁話。