政情：今日你上鏡：姚思榮選舉後回復食量增磅

成功連任旅遊界立法會議員嘅姚思榮早前胃病，選舉前更患上感冒，激瘦十幾磅，唔通佢為選戰搞到壓力爆燈？姚思榮估計，可能後生時經常需要飲酒應酬，加上鍾意飲削胃嘅奶茶，又忽視胃部健康，以為胃痛只係小毛病，結果消化功能就慢慢變差，難怪佢會激瘦喇。唔單止咁，佢作為潮州人，平時鍾意歎茶，但胃病就搞到佢飲唔到屋企啲鐵觀音靚茶葉，好彩選舉完咗無耐，胃口忽然好番，已經成功肥番兩磅喇，希望以最佳狀態迎接新一屆立法會來臨。