政情：公民講場：揭有份被摸底鄺俊宇賊喊捉賊

民主黨元朗區議員兼候任立法會議員鄺俊宇，早前批評政府向鄉紳「摸底」後跪低，將橫洲發展計劃一萬七千個建屋單位縮減至四千個，再提交區議會討論，又要求曾被「摸底」嘅元朗區議會前主席梁志祥交代詳情。勢估唔到剃人頭者人亦剃之，運輸及房屋局局長張炳良尋日踢爆鄺俊宇及其黨友元朗區議員黃偉賢都有被「摸底」，仲透露佢哋當時都支持興建四千個單位添，真係賊喊捉賊！鄺俊宇尋日就死撐，當日只係被知會提交區議會嘅文件，並唔係摸底，佢亦唔想被人摸喎！事實擺在眼前，梁志祥就喺社交網站還擊：「當日被摸底，今日玩淆底？」